Bláa Lónið hf. er móðurfélag öflugra fyrirtækja sem eru leiðandi hvert á sínu sviði og kjarnast um upplifunarferðaþjónustu, heilsu og vellíðan, húðvörur og þróun sjálfbærra áfangastaða.
Þróunarverkefni Bláa Lónsins hf. hafa byggt á sömu gildum frá upphafi með einkunnarorð fyrirtækisins að leiðarljósi: Uppspretta vellíðunar í sátt við náttúru og nærsamfélag.
Öll uppbygging fer fram í samræmi við skuldbindingu okkar til sjálfbærni fyrir umhverfið, fólk, samfélög og efnahag.
Hér má nálgast fjárhagslegar- og ófjárhagslegar upplýsingar ásamt upplýsingum um helstu áfanga, starfsemi og áherslur ársins 2025.
Árið 2025 einkenndist af uppbyggingu og endurbótum í samræmi við leiðarljós okkar, Uppspretta vellíðunar í sátt við náttúru og nærsamfélag. Hér má sjá samantekt á helstu tölum úr ársreikningi og sjálfbærniyfirlýsingum Bláa Lónsins hf.
