Bláa Lónið hf. | Umhverfisáhrif

Samspil manns og náttúru

Sjálfbær nýting auðlinda og verndun umhverfis til að tryggja lífsgæði komandi kynslóða haldast í hendur við sjálfbæra þróun Bláa Lónsins hf.

Náttúran er takmörkuð auðlind og hefur það frá upphafi verið hornsteinn í okkar nálgun að vaxa á ábyrgan hátt. Við leggjum áherslu á að draga úr sóun og fjölnýta auðlindastrauma við verðmætasköpun með það að markmiði að tryggja að uppbygging skaði ekki umhverfið heldur auðgi það og varðveiti.

Arkitektúr og hönnun

Við notum aðferðir hönnunar og arkitektúrs til að byggja upp áfangastaði sem hafa jákvæð áhrif og í hönnunarstefnu okkar leitumst við við að stuðla að jafnvægi á milli fólks og náttúru. Við mætum verkefnum út frá forsendum sjálfbærni, þar sem náttúruleg efni, meðvituð uppbygging og flæðandi samruni bygginga og rýma við umhverfið eru notuð til að upphefja náttúruna og landslagið í kring.

Samfélag án sóunar

Við tölum fyrir samfélagi án sóunar og fjárfestum í verkefnum sem stuðla að hagkvæmni, sameiginlegri velsæld og jafnvægi manns og náttúru. Við leggjum okkur fram við að sýna að vel ígrunduð nálgun leiðir af sér varanlega framþróun samfélaga til sjálfbærni.