Í sátt og samlyndi við náttúru og nærsamfélag.
Við Rauðukamba í Þjórsárdal rís 40 herbergja hótelið Mountain Retreat. Sambyggð hótelinu, sem rís í hlíð Rauðukamba, verða Fjallaböðin með einstakt útsýni yfir náttúruperluna Þjórsárdal.
Í dalnum rís einnig Gestastofa Þjórsárdals sem mun hýsa móttöku Fjallabaðanna, upplýsingamiðstöð og veitingarekstur, auk smáhýsaþyrpingar og tjaldsvæðis við Selhöfða.
Undirbúningur fyrir uppbyggingu á baðstað við Hoffellslón í Hornafirði er þegar hafinn og stendur umhverfismat á framkvæmdinni yfir. Baðstaðurinn verður einstakur á heimsvísu og munu gestir horfa yfir jökullónið úr baðlóninu.
Á svæðinu verður einnig jöklasýning og aðstaða til veitingareksturs. Ráðgert er að framkvæmdir hefjist árið 2027 og áfangastaðurinn opni árið 2030. Uppbygging á svæðinu mun tryggja samfellu í þjónustu og upplifun á Suðausturlandi.
